सुनसरी। सप्तकोशी नदीमा पानीको बहाव बढ्दै गएको छ। आज बिहान ५ बजे कोशी ब्यारेजमा पानीको बहाव ६ लाख क्यूसेक पुगेको ब्यारेज कन्ट्रोल प्रशासनले जनाएको छ।
यो अहिलेसम्मको दोस्रो उच्च बहाव मापन हो। गएराति कोशीमा ५ लाख ५७ हजार क्यूसेक बहाव मापन गरिएको थियो।
कोशीमा बढाव बढ्दै गएका कारण ब्यारेजको माथिबाटै पानी ओभरफ्लो भएर बगेको जनाइएको छ। अहिले कोशी ब्यारेजमा मानिस र सवारी साधनलाई प्रवेश गर्न रोक लगाइएको छ। यसअघि सन् १९८७ मा ५ लाख २३ हजार क्युसेक मापन भएको थियो।
