काठमाडौं । सत्तारुढ दल नेपाल कम्युनिस्ट पार्टी (नेकपा)को सचिवालय बैठक प्रधानमन्त्रीनिवास बालुवाटारमा जारी छ । ६ असोजपछि नेकपाको सचिवालय बैठक बसेको हो । बैठकमा मन्त्रिमण्डल पुनर्गठनलगायतका विषयमा छलफल केन्द्रित रहेको स्रोतले जनाएको छ ।
यसअघि सचिवालय बैठकले नै मन्त्रिमण्डल पुनर्गठन गर्ने, वामदेव गौतमलाई राष्ट्रिय सभा सदस्य बनाउनेलगायतका निर्णय गरेको थियो । गौतमलाई सांसद बनाउने निर्णय कार्यान्वयन भइसकेको छ भने मन्त्रिमण्डल हेरफेर गर्ने विषयमा नेकपामा निर्णय हुन सकेको छैन ।
आजको सचिवालय बैठकले यसबारे ठोस निर्णय लिने सम्भावना रहेको स्रोतले जनाएको छ । साथै आजको बैठकमा पछिल्ला नियुक्तिका बारेमा पनि प्रम केपी ओलीसँग जवाफ मागिने भएको छ ।
