काठमाडौं। नेकपा (माओवादी केन्द्र) का उपमहासचिव जनार्दन शर्माले विगत दुई वर्षदेखि पार्टीको माथिल्लो तहबाट विभाजनको हल्ला चलाइएको बताएका छन् । आज उनले आफ्ना धारणा सार्वजनिक गर्दै भ्रममा नपर्न आग्रह गरेका छन् ।
‘नेकपा (माओवादी केन्द्र) पार्टी बारे उठेको भ्रम र तथ्यहरुलाई गहिरो गरी बुझ्न आग्रह गर्दछु। बिगत दुई वर्षदेखि माथिल्लो तहबाटै लगातार पार्टी फुट्छ भन्ने गरिएको प्रचारलाई यतिबेला थप मलजल गर्दै पार्टी कार्यकर्ता र जनतामा भ्रमको खेती गर्नेहरुप्रति सचेत हुन आग्रह गर्दछु,’ उनले भनेका छन् ।
गत बर्ष केन्द्रीय समितिको बैठकमा भएको बहस र निर्णयअनुसार मंसिरमा विषेश महाधिवेशन गर्ने निर्णय गरेको सन्दर्भमा अब पार्टीमा एजेण्डा केन्द्रित बहस गरिनुपर्ने उनको भनाइ छ । जसले पार्टीको पुनरगठन,सुदृढ र व्यवस्थित गर्न मद्दत पुग्ने उनले बताएका छन् ।
त्यस्तै, पार्टी केन्द्रको निर्णय अनुसार हुलाकी राजमार्ग र मध्य पहाडी लोकमार्ग (पुष्पलाल राजमार्ग) अभियानबाट आर्जेको उर्जा २ बुँदे सहमति पश्चात् गिरेको उनको बुझाइ छ । पार्टीको शाखलाई पुनः माथि उठाउन गम्भीर आत्मसमीक्षा गर्दै एजेन्डा केन्द्रित बहसमा केन्द्रित हुन उनले आग्रह गरेका छन् ।
_20250725082620.JPG)
_20250729182913.jpg)
